वीरगंज, २२ मंसिर ।नेपाली कांग्रेस निकटको विद्यार्थी संगठन नेपाल विद्यार्थी संघ निजगढ नगर समितिले आयोजना गरेको रक्तदान कार्यक्रममा १० महिला सहित ८० जनाले रक्तदान गरेको छ । निजगढको शहिद चोकमा भएको रक्तदानमा १० जना महिला सहित ८० जनाले रक्तदान गरेका छन् । रक्तदान गर्नेहरूमा शर्मिला बिक, सनध्या रिजाल, संगीता रिमल, संगीता गुरूङ, सुमित्रा खड्का, मनिषा अधिकारी, बिमला खनाल लगायत रहेका छन् । नेविसंघ निजगढ नगर सभापति इश्वर सापकोटाको अध्यक्षतामा रक्तदान कार्यक्रम सम्पन्न भएको हो । रक्तदानमा रक्तसञ्चार केन्द्र वीरगंजका प्राविधिक जितेन्द्र कुश्वाहाको नेतृत्वमा रहेको प्राविधिक टोलीले प्राविधिक सहयोग गरेका थिए ।
प्रतिक्रिया लेख्नुहोस् ।
